呢輪香港車市，熱賣車款主要係一眾家庭MPV，又或者係豪華嘅CitySUV咁；然而，早陣子正式抵港嘅本田新Accord，由於適值SARS過後嘅低潮期，初賣反應只屬一般，但踏入七月下旬及至今個月初，銷情經已逐步回升企穩，單係上星期就收到成30部Order㖭！另外，亞Mark重收到風，話Accord頂級3.0型號亦已經陸續赴運抵埗，新車性能不僅較原來2.4型號輸出強勁得多，兼且配套設施亦見豐富，既有Xenon頭燈，又有電子TRC、前排電控座椅，當然唔少得重有省鏡嘅門邊電鏡連方向指揮燈配搭㗎！以唔到30萬嘅車價，就可以擁有新一代i-VTEC嘅Accord3.0高性能房跑車，真係好抵買㗎！聽聞買車人數亦佔全數嘅一成多，佢哋又真係幾識貨噃！