末代港督彭定康最近同英國《金融時報》記者食午飯時，竟然要攞住支枴杖。原來呢位新任牛津大學校監，熱愛打網球，有一次追波追得太肉緊，整親腳跟。
肥彭做咗牛津校監，但佢歐盟外交事務專員個位，一直到○四年秋季先卸任，睇嚟佢都要好小心分配時間先得。不過肥彭話幾享受做校監，認為係佔佢「四分一嘅時間、一半嘅享受」。
肥彭出名為食，原來佢離開咗香港咁耐，仍然念念不忘中國菜。佢同《金融時報》嘅記者食飯都係食中餐。佢話離港以後，冇一度嘅點心好得過天星碼頭附近一間酒樓；酒樓附近重係九七時徐徐落下英國國旗嘅地方。難怪佢印象深刻。
傳真︰2623-9278
電郵︰