陳豪為拍攝無綫清裝重頭劇《金枝慾孽》及突破自己，前日學劉德華剃光頭髮，頓時由「花旦殺手」變成「光頭殺手」。而髮型師為紓緩陳豪剃頭時的緊張心情，邊剃邊為他設計不同的鬼馬造型。
陳豪本月底將為無綫清裝劇《金枝慾孽》開工，早前他為該劇試造型時，一度嘗試黐頭套，可惜效果欠佳，監製戚其義遂游說陳豪剃光頭。
但陳豪初時擔心自己頭殼凹凸不平不夠美觀而猶豫，陳豪說：「我入行以嚟都未試過剃光頭，但今次係無綫一個大製作，如果出嚟效果係好嘅話，咁都無妨一試嘅。
「況且劉德華近排都話要突破一下將頭髮剃光啦，我都好應該突破吓嘅！」
前日陳豪就在位於尖沙嘴的Headquarters店，由一向為他理髮的髮型師Ivan操刀剃頭，他還找來二哥拍下落髮一刻，給自己留紀念。不過，日前有fans為他以電腦設計了一張光頭造型照，眼見相中頭大身小的自己，陳豪登時嚇得擔心不已。
故前日陳豪剃頭時，髮型師Ivan特別為他剃出punk頭、和尚look以及「一柱擎天」等鬼馬造型，引陳豪發笑，藉以緩和他緊張的心情。
最後髮型師花了一小時便將陳豪由「花旦殺手」變成「光頭殺手」，陳豪見到自己的新形象即相當滿意說：「雖然好唔慣，成日用手摸自己個頭，好似冇咗啲嘢咁，但效果都唔錯。遲啲我去曬太陽嘅時候，可以順便曬埋個頭，因為一直以嚟都未有咁嘅機會吖嘛。」
陳豪又謂早前替莎莎拍下廣告，但未做宣傳已經變成光頭，幸而獲對方體諒。
採訪：戴彩煥
