世界武術錦標賽太極金牌得主李暉，昨日於尖沙嘴舉行新書發布會，好友黃霑、任達華及高志森均有出席支持。
霑叔透露十一月與香港話劇團、香港中樂團及香港舞蹈團三大文化藝術團舉行九場音樂劇，他說：「除咗呢三個藝術團體，重會有煇哥（顧嘉煇）寫歌，我寫詞，由香港話劇團演員演出，個劇名叫《酸酸甜甜香港地》，係講香港𠵱家境況，以輕鬆音樂劇形式演出，煇哥已經寫咗兩隻歌嘅旋律，今晚會fax畀我。」
霑叔還表示本分別與亞視及無綫洽談主持飲食節目，奈何雙方均談不攏價錢而作罷，他說：「我自八九年後都冇加過價，佢哋嫌阿叔貴咪唔做囉，唔做我又唔會餓死嘅。」
採訪、攝影：馮美茵