滙豐大班龐約翰慳家，係人都知，噚日英國《獨立報》有篇龐大班嘅專訪，標題就係話佢老人家會堅持節儉本色。
文章一開首就話，龐大班接受訪問當日，剛從香港開完記者會（上周一），然後坐咗十二小時飛機回倫敦，但為慳錢慳時間，仍一如以往坐電單車返工，「我哋仍然節儉，因為四十二年前入職時已有教誨，這是股東的錢，不是我們的。」雖然滙豐上半年賺320億，但似乎愈賺錢嘅公司，愈強調節約。而滙豐嘅美國業務收入日益重要，但大班仍強調滙豐文化不受影響，繼續用團隊精神拓展業務，而非美式嘅利潤中心。
上周在港話冇退休時間表嘅龐大班，今次都冇講退休，只話自己係「公司回憶」；果然「家有一老，如有一寶」。
傳真︰2623-9278
電郵︰