由周星馳執導兼主演的電影《功夫》，現正在上海拍攝中，該片為保持神秘，一直謝絕傳媒採訪。不過，前晚在片中扮演飛哥的星爺，在拍攝一場夜闖斧頭幫被擒戲份時，他慘遭吊起來毒打的絕密拍攝過程終首度曝光。 記者蔡丹上海直擊
周星馳、林子聰（肥仔聰）、陳國坤（小龍）及田啟文（田雞）等人，現時正在上海趕拍美國哥倫比亞電影公司投資的電影《功夫》，有關方面為了保持神秘感，開工個多月來一直留在保安嚴密的上海影城內拍攝，禁止傳媒到場採訪及拍攝，同時又要求工作人員封口，不可透露有關該片的任何事情。
但前晚星爺首次離開影城到附近一廠房取景，記者終於首次突破了星爺的防線，近距離拍下《功》片在上海開工的實況，又目睹星爺一時躲在拍攝現場的一角拿起紙筆度劇本，一時又有威嚴地以導演身份指揮工作人員拍攝。
星爺前晚開始拍攝至昨日凌晨，狀態看來不俗，身兼監製、導演和主角的星爺在微雨下開工，不時坐進印有由他任代言人的生力啤字樣太陽傘下避雨，星爺可謂十分識做。
《功夫》一片以三、四十年代為背景，前晚拍攝的戲份是講述飛哥周星馳與沙煲兄弟肥仔聰等人，與斧頭幫起衝突遭毒打，之後還要被吊起來受盡折磨。現場所見，星爺一時被吊起來，一時又要下來睇位，認真忙碌。
昨日星爺接受電話訪問時說：「喺上海拍咗成個月，拍攝都幾順利，我喺部戲度做個幾十年代嘅飛仔，同斧頭幫有鬥爭，喺戲入面我要應付好多動作場面，講真又真係拍得幾辛苦，加上之前一部《少林足球》叫好叫座，我𠵱家拍呢部片壓力係幾大，不過有壓力都係好嘅，起碼會提醒自己做得更加好。」
星爺續說：「我預計喺上海要拍四個月，至於部戲幾時上，咁就要由哥倫比亞決定，不過據我所知，部戲有好多特技，部戲拍到年尾，之後重要喺外國再做特技，所以最快都要出年先至可以放映。拍呢部《功夫》講真都幾辛苦，因為演出之外，又要做導演，呢排重主力拍動作場面，好似噚日開工拍到今朝先收，一陣又要再開工，拍攝工作真係未停過。部戲拍得咁神秘，主要係因為今次由美國哥倫比亞公司投資，外國公司做嘢好有規矩，咁我哋梗係要尊重投資嘅公司。」
前晚所見，星爺在現場很有耐性地教演員做戲，一個面部表情，他可以不厭其煩用兩個小時重複教導一名新人。平時在鏡頭前經常令觀眾發笑的星爺，在鏡頭後十分嚴肅，未知是否他身兼導演工作，所以顯得特別緊張，極少與工作人員交談，反而喜歡一個人靜坐一旁沉思。
