經濟不景，市民更需做一個精明消費者。其實在超級市場、街市及藥房，相同貨品價格往往不一，習慣格價者自懂得「擇肥而噬」：「買洗頭水或者消毒藥水，梗係去藥房；買菜或者買凍肉，一定要去街市，至於超市，就梗係去買減價貨啦！」
二十多歲的陳小姐常陪伴媽媽購物，發現超市貨品並非如想像般廉宜：「除非嗰排減價啦，所以去超市淨係買減價嘅嘢！」她說，若買洗頭水等日用品多會光顧藥房。記者在北角一間藥房亦發現，一瓶一千毫升裝的沙宣洗髮乳只售六十三元，惠康則售六十九元九角；而滴露消毒藥水七百五十毫升裝，藥房售三十五元，百佳售三十八元五角。
街市部份貨品十分「抵買」，家住銅鑼灣的王太專程往北角渣華道街市買餸：「街市最平係凍肉，重有菜呀，又新鮮又平，所以街市係唔可以冇咗嘅！」此街市的攤檔一斤菜心售六元，而超市則售六元五角至七元九角。
張女士則持雙重標準：「如果我工人買餸我會叫佢去街市，因為平，但如果我去，一定去超市，皆因有冷氣又乾淨。」
本報記者