繼德國平治車廠於七月份錄得出色嘅銷售成績後，份屬同鄉嘅寶馬車廠亦於日前公布有關資料，表現亦見令人滿意；若連Mini計算在內，合共售出93,229部新車，較2002年同期嘅91,859部上升1.5%，而今年頭七個月內，則合共售出638,090部新車，比去年同期635,615部微升0.4%。
若單以寶馬車系計算，七月份共有76,506部新車交到顧客手上，比去年同期77,803部下跌1.7%，廠方相信有此成績出現，會係與某些車系轉款有關；另外，自新款5系於7月初響歐洲市場推出後大受車迷歡迎，若連同仍有舊款5系售賣嘅地區計算在內，七月共售出16,562部新車，比2002年同期14,635部大升多達13.2%。相信當新款5系陸續在各地市場推出後，肯定會創出更佳成績呢！
至於Mini，七月則有16,723部新車交予客人，比去年同期14,056部上升幅度高達19%，而今年首七個月內，更比去年同期嘅76,471部上升多達39.4%，達106,603部，從而可見Mini係幾受車迷歡迎呢！