香港全面開放讓廣東、上海、北京同胞「自由」來旅行，最開心當然係班酒店老闆。八方老友話，沙士期間，佢哋心都實埋，但估唔到因禍得福，迫到中央要出手相救，佢哋都好意外。
不過，咁多人湧嚟，點夠房間住？唔使擔心，香港咁多樓空置，只要轉吓彎就一舉兩得。
舉例說，將已落成嘅居屋貨尾改為旅館，甚至賣畀同胞，都係辦法。
八方聽聞，新世界有份參建嘅紅磡灣居屋正有此意，而出手幫忙嘅係小吉（即方黃吉雯），小吉自從退出行政會議，表面好靜，但其實有搞嘢，如果搞掂今次呢件事，可令新世界與政府嘅一場官司化解，兼且有真銀收，又幾好喎。
（圖）小吉退出行政會議後，仍有嘢搞。
傳真︰2623-9278
電郵︰