放暑假最好去旅行Relax吓，作為父母，去旅行都要帶埋仔仔囡囡，想過二人世界真係無乜希望，留低仔女喺香港又唔放心。有計，今次可以帶住仔女去長洲旅行，然後以學獨立為名，過二人世界為實，讓仔女試試室內露營，小朋友可順道參加活動之餘，又可學獨立，絕對一舉兩得。
記者：區佩嫦
攝影：林栢鈞
Model：BoBo、Justin（FromSunSpot）
曾經去過露營，最怕天氣悶焗、滿天蚊蟲的感覺，今次華威酒店的新搞作便將大房間「改建」成戶外露營營地，小朋友可以在有冷氣、有洗手間、無蚊蟲的場地「露營」，真係羨慕死曾經在戶外營地被蚊咬飽的我。
只要你是酒店的住客，便可以畀$80讓小朋友入「營」，與一班同年齡的小朋友一起度過一個沒有父母在旁的晚上。酒店負責人Iva表示：「這個孩子營可以訓練小孩子獨立能力，成班小朋友在『營地』一齊玩集體遊戲，學習與其他小朋友溝通，『營地』有6個帳幕，每個帳幕可容納2個小朋友，試過有啲小朋友玩得太開心，5、6個人迫入帳幕入面瞓，感覺都幾搞笑。」若果小朋友臨時扭計都無問題，「營地」姐姐可以安排小朋友返父母間房，咁就唔怕小朋友扭計。
孩子營一啲都唔悶，小朋友入營後還有一連串的活動讓他們玩個痛快，好似DIY創意手工藝咁，小朋友可以喺白Tee上自行繪畫圖畫，畫完後重可以即刻着上身，Show畀媽咪睇。
考完創意畫完畫，小朋友重可以鬥智鬥力，左手攞住小魚缸，右手拿着魚網，扮晒漁夫去撈金魚，睇睇邊個撈得最多，撈完的金魚重可以做戰利品，攞返屋企留念！
媽咪爹哋放低仔女後，可以享受真真正正的二人世界，酒店在暑假期間特別推出暑假住宿計劃，住在剛裝修不久的海景露台房，望着一望無際的海景，又沒有仔女的騷擾，清清靜靜地享受一晚。
享受完浪漫的海景房，重可以玩刺激的水上活動，住宿包括水上活動試玩券，可以約埋成班朋友一齊玩至激的香蕉船或者高速水泡，兩樣都超好玩超勁，不過小童不宜。
華威酒店
費用：$628（星期六加$200）
包括：雙人海景露台房一晚、雙人中式早餐、高速水泡或香蕉船試玩券兩張、一小時單車券兩張、免費半小時水上滑板講座及$100優惠券、$100優惠價享用兩小時雙人釣魚樂（包划艇連釣魚用具）
優惠期：即日起至8月31日
查詢電話：29810081
不一樣的孩子營
日期：即日起至8月30日
時間：8:00pm赲搕?:00am
對像：5至8歲小孩
收費：每位$80
*享用者需為華威酒店住客
今個暑假（由現在至本月31日）入長洲可以享受到一連串的優惠，除咗華威酒店，重有十多間舖加入這個大優惠行列，重唔行快兩步，到酒店及各間商舖索取優惠Coupon？
無諗過在長洲可以食正宗的紅豆餅，這店由日本人吉野太太開設的，店內售賣的紅豆餅極之出名，不少人專登入長洲食吉野太太所做的餅，餡料不太甜，食落口好香，極具日本風味。
店名：故鄉茶寮（29815038）
優惠：紅豆餅買三送一
長洲無交通工具，去邊真係靠對腳行，不如租架單車環島一周欣賞長洲的景色，單車店有成人同小童單車，而我覺得三輪車（$20/hr）最正，可以要男友載住我周圍去，夠晒開心。
店名：合記單車（29810227）
優惠：租單車可享九折
嫌玩香蕉船唔夠皮的話，可繼續各種水上玩意，這裏有Wakeboard（$600/hr）、高速水泡、獨木舟、滑水、水上單車等，種類繁多，我就最想學玩至潮的Wakeboard，唔知要學幾耐呢？
店名：滑浪風帆水上活動中心（93508664）
優惠：任何水上活動可享九折，星期六、日及公眾假期除外。
長洲有唔少特色店舖，好似呢間店舖以貓或木刻為主，極具特色，而我與ModelBoBo極鍾意呢個用椰殼製成的斜孭手袋，店主話呢個手袋都幾受歡迎，好多時都係男仔買嚟送畀女友。
店名：貓兒木刻精品店（29820203）
優惠：惠顧滿$100以上可享九折優惠或贈送動物筆一支
原來呢度咁多嘢玩
ModelBoBo：「好耐無嚟過長洲，原來長洲有咁多嘢玩，而我覺得酒店個Package都幾抵，起碼間房好正、好舒服。」
一向租開度假屋
ModelJustin：「得閒都會同朋友入嚟長洲玩，以前一向租開度假屋玩，𠵱家酒店咁抵，梗係約女友嚟玩啦。」
住酒店好High
Ken：「入長洲多數都係去Camp，無諗過住酒店咁High，若果酒店咁抵都會考慮吓嘅。」