Juno講漫畫，一定係翻舊料晒睇書絕技，一．邊浸浴邊睇唔會整濕本書，二．45o揭書唔會皺，三．每月一次用乾濕布抹書，四．開大冷氣免潮濕。一大堆講到爛的方法，要他推介新漫畫，他居然拿出兩本小說，連插圖都冇，真不相信他可以看得完！但佢話：「睇得漫畫多都要改變吓，加上幻想，小說可能好睇過公仔！」未看過他的推介，但睇多幾類型書，至少同人傾偈都多個話題！
記者：梁佩芬
攝影：伍慶泉、周旭文
髮型：EdmondLeung
化妝：MaeVon
漫畫店方面，老闆何先生話，最人氣最好賣的來來去去都係嗰幾本，你幾時問都係嗰個答案，好難有突破！睇睇熱賣名單，老闆又果然冇講錯。
雖然係咁，漫畫的吸引力依然未被削弱。上星期，Juno一連五日都要去「2003香港漫畫節」當表演嘉賓，非常忙碌，就算只得一小時空檔，都爭取與一班漫畫迷相聚。雖然Juno開始睇小說，始終漫畫才是他的強項，一見十位漫畫迷，即時雞啄唔斷，大鬥熟悉書中情節，真係連第幾頁講過乜都記得晒；相反，一問有無睇Juno首套電視劇《律政新人王》，當場個個口啞啞！
從入行前冇人識嘅麥浚龍，到現在前呼後擁的Juno，都鍾意去藏書量動輒過萬本，又可以悠閒坐坐的漫畫Cafe。第一代24小時漫畫竇佐熊之家，四千呎，分兩層，三樓以漫畫書為主，有過萬本，又有酒牌有LCD電視，也是睇波好地方；十二樓就比較清靜，Juno亦最鍾意，這裏的漫畫也比較另類。
地址：銅鑼灣謝斐道496號金利文廣場3/F及12/F
電話：28381322
收費：$24/小時，之後$6/15分鐘（凌晨12點到早上10時，星期日至四$70，星期五及六則收$90）
Juno獨愛漫畫Cafe，這班漫畫迷個個都是學生，大部份都覺得如果唔係貓頭鷹時段，漫畫Cafe收費確實貴了點，所以她們推介漫畫屋，十零蚊一個鐘，免費任飲各款紙包飲品，藏書量也有萬本，幾化算！
走訪漫畫Cafe，差不多都是女顧客，以為少女漫畫最受歡迎，點知，連影都冇！
代表：伊藤潤二作品
Susanne：「少女漫畫，睇完第一本都估到結局係點；恐怖、冒險、偵探小說就唔同，可以用吓腦，尤其睇伊藤潤二，重要三更半夜一個人坐喺Cafe卡位，愈睇愈毛管戙！」
代表：叮噹、名偵探柯南
Erica：「睇《流星花園》因為睇過電視劇，《叮噹》由細到大都鍾意，同《柯南》一樣，長睇長有，冇錢買咁多，去漫畫屋可以一連睇幾本。」
代表：去吧！稻中兵團
Rainbow：「睇漫畫一定要好笑，唔使用腦、故事無聊、胡鬧一番就最好，最憎啲一本正經又說教又講乜理論嘅，咁煩唔睇好過睇！」
售賣點：東京漫畫廊
地址：旺角西洋菜街南246-248號2樓
電話：23903452