Juno咁喜歡睇漫畫，睇得多，畫工係咪都有番咁上下呢？其中一個參加聚會的漫畫迷Cookies就大膽叫Juno畫公仔送給她，友善的Juno冇托手踭，還與Cookies一齊坐在漫畫Cafe的卡位中，慢慢又靜靜地開始畫公仔！初時，Juno話畫些自己鍾意的卡通人物送給Cookies，她卻主動表示：「我要你畫我！」這時，Juno面有難色，無奈地說：「我只係識畫男仔喎！」輪到Cookies嘴扁扁，Juno一見：「我諗加條辮都似女仔！」
一開始，Juno畫眼，一落筆：「弊！我畫咗孫悟空隻眼。」Cookies介意地說：「咁再畫過囉！」這次Juno小心翼翼，欲分散Cookies的注意力，連珠發炮：「你讀Form幾呀？（F.5）咁會考成績點呀？（14分，直升原校）咁幾好呀，噚日我有個Fans話畀我知，佢有30分！（咁勁！）但有啲又話畀我知得一兩分！」
幾分鐘後，一個類似女仔的物體在畫簿上出現，Cookies一看大笑：「我條辮呢？好肥呀！」Juno稍怕羞低頭說：「我好鍾意肥，成日都專登將公仔畫得肥啲，得意又可愛！」Cookies一聽，大叫：「咁你鍾意肥女人？」Juno即刻耍手兼擰頭：「咪搞！唔鍾意，我只係鍾意肥嘅死物，好似電話我都要用部又大又圓的！」這刻，稍胖的Cookies好似有點不開心！