徐子淇、Rosemary與男子組合Boy'Z昨日往將軍澳出席活動，Boy'Z表演唱歌，而徐子淇及Rosemary則穿背心、短褲展現活力一面，她們踩花式單車進場，又玩二十五呎高的攀石遊戲、呼拉圈及示範仰卧起坐等。徐子淇近日收身成功，下星期會拍攝廣告，首次嘗試攀石，子淇心情緊張，她說：「我未玩過，但我有畏高，好驚唔夠力扶住啲石。」
此外，徐子淇正於一公司返暑期工，做資料搜集的工作，她說：「我成日都同啲女同事一齊食飯，佢哋會問我美容心得，不過我覺得返寫字樓工好辛苦，啲時間好難捱，第日畢業搵工都唔會搵寫字樓。」
另外，Rosemary透露三歲已懂踩單車，還表示十分喜歡戶外活動。
採訪、攝影：馮美茵