【本報訊】昨日閉幕的漫畫節可說是年輕人的夢工場，重頭戲「漫畫人物扮嘢大賽」及「打機王大激鬥港澳區選拔賽」同時舉行，二十多歲的陸浩杉以親手焊製、幾可亂真的高達造型，成為冠軍；會考生成鎮宇以「打機」打出自己天地，將代表香港參加遊戲機世界賽。不過，兩人坦言，只能在漫畫節尋找自己夢想，因為「呢啲嘢喺香港搵唔到食」。 記者：翁煜雄黃明浩
漫畫人物扮嘢大賽是每年漫畫節的重頭戲，今年參賽者陸浩杉更成全場焦點。他穿上一套巧手自製的鐵片盔甲，扮演日本動畫機械人高達，外形幾可亂真，參觀者紛紛追着他要求合照：「畀我同佢影一張相吖，等咗好耐呀。」
任職建造業的浩杉兩個多月前開始，利用公餘時以自己最擅長的燒焊技術，將一塊塊鐵片製成這套由頂至踵的盔甲。「我親手上咗百幾粒螺絲。」一身沉重鐵片令浩杉舉步難行，每走一步，都發出鐵片撞地的「嘭嘭」聲，彷彿機械人真的從動畫裏走出來，「個個都走埋嚟拉住我，重扯吓啲鐵片。」
他坦言自己的嗜好與同事不同，「我唔食煙唔飲酒，淨係鍾意玩模型同扮機械人，所以好鍾意同呢班十幾歲嘅人一齊玩，好開心，可以永遠唔使長大。」最後，浩杉奪得冠軍，獲八千元獎金，全場起哄歡呼吶喊。
不過，夢總要醒。浩杉說：「雖然我之前都攞過扮嘢獎，但屋企人始終都認為呢啲嘢係無用嘅，其實都係嘅，又搵唔到食。」他指在日本有人以模仿漫畫人物的職業，「雖然我真係好想，但係香港根本唔容納到呢啲職業。」
而昨日成為香港「打機王」的中五會考生成鎮宇為自己取了一個別號，叫「白日夢」，將於十月代表香港，出戰南韓舉辦的WorldCyberGame。兩年前他首次參與該比賽，取得季軍。成為香港機迷的心目中是一個神話，曾是他手下敗將的準中文大學學生麥澍堃十分羨慕他的成就：「佢可以咁多次代表香港參賽喎。」
雖然在遊戲機世界裏，準大學生是他的手下敗將，但本身是應屆會考生鎮宇坦言，會考成績差強人意，只能重讀中五，並打算十月出戰南韓後不再參加比賽，專心溫書。「會考攞三十分，可以上頭條，但打機打得叻，就冇人會理你！」
他承認，遊戲世界只是一個給他尋夢的地方，在外國打機高手可獲贊助，成為職業，但香港卻無此出路，正如他的別號「白日夢」一樣。「喺日本台灣，有專業打機嘅，香港政府又話發展高科技（創意工業），點解我哋做唔到呢？」
