講到識食，冇人厲害得過小朋友。賣相唔夠吸引，冇興趣；味道唔啱胃口，轉頭走；連餐廳環境都逃不過被小朋友嫌棄的「厄運」。因此，不少親子餐廳都會各出奇謀，務求令呢班小食家盡興而歸。只是歡樂的時光並非必然，全是一班幕後搞手努力的成果。由今日起，一連三日，帶你吃盡特色親子餐，同時也告訴你一個又一個製造歡樂的故事。
記者：李敏怡 攝影：陳智良
model：Jenny、Sandra、John（richstrategy）
逢星期一至三、五出版
在平靜的湖畔，工作人員Kim正拿着畫筆輕輕地點上顏料，細心地在鳳婷的臉上畫出一朵朵小花，落筆的準確和謹慎，就像在花瓶上繪畫花樣，絕不容許任何差池。席間，我們都靜了下來，如看高難度的表演，屏息靜氣，等待着表演完成歡呼鼓掌的一刻。
兩年前，Kim想也沒有想過今天拿着畫筆，畫的不是畫紙，而是一張張小朋友的臉兒。「我想做設計，我讀了，但不夠專業。原本只喺呢度做兼職導師，但呢幾年經濟唔好，難搵嘢做，所以剛做滿一個星期，便轉做長工。」在大一讀過設計的她說。
兩年間，大大話話畫盡過千張臉。有時，畫了整天，真的有點累，但跟小朋友嘻嘻哈哈，很快便忘記了那疲累的感覺。「𠵱家除了做Routine嘅工作外，重會同同事一齊度『橋』，諗多啲新節目。好似呢個新嘅布偶劇，我哋都準備咗半個月。除此之外，我重會幫啲公司設計TeamBuilding嘅活動。」聽了這番話，你還敢說她只是打份工咁簡單？
看似是一道平平無奇的頭盤，卻是考功夫的菜式。師傅需要把新鮮的蟹肉從蟹殼內拆走，然後把芒果切半去肉，作為盛載沙律用。再將果肉切粒，與蟹肉拌勻才成。此道菜考師傅刀法，亦考他的耐性。
喜歡食水果嘅小朋友，呢道沙律就不容錯過。鮮果用了西瓜、哈密瓜同埋蜜瓜，沙律醬重特別用咗有果味嗰隻，加上龍蝦肉的鮮味，是一道非常開胃的菜式。
黃色賣相夠搶眼，最特別是用上中東米，比日本飯粒更微型，有點像意大利米，但口感較軟，色澤呈黃色，配合忌廉汁，猶如一餅粟米餅。帶子都有六、七粒，更有一蚊銀咁大，而且啲蝦重係鮮甜彈牙。
地址：大埔紅林路2號
電話：26576628
營業時間：11:00am-11:00pm
提提你1：逢星期日1:30pm都有一節布偶劇，現在上演的劇目是「尋找勇氣的小虎」，八月中會上演新劇「三隻小豬的故事（新版本）」。
提提你2：食飯之餘，小朋友可參加DIY手工藝班每位收費三十元。