真係快樂不知時日過，今年暑假眨吓眼已經過咗一半，重有四個星期左右就係一年一度嘅中秋佳節，所以近排喺報紙雜誌、電視、鬧市街頭同地鐵站燈箱，已經充斥各大商號嘅月餅廣告，令人目不暇給。
蘋果日報慈善基金為資助社會服務機構送贈月餅給弱勢社群，特別成立「蘋果愛心月餅專戶」。今年呢個專戶到目前為止，已經收到接近五十間機構申請合共超過一萬八千個月餅，需求之大，可謂刷新歷年紀錄，蘋果基金將會因應專戶所收嘅善款來資助機構買月餅。
其實，以一個愛心月餅嘅慈善價約十五蚊計算，善長每捐出十五蚊，就可以讓貧窮長者得嘗一口美味月餅，歡度佳節。大使喺呢度衷心希望大家踴躍捐助，福有攸歸。
「蘋果愛心月餅專戶」捐款編號：C0640
暖流熱線
電話:29908688
傳真:23702192
電郵:
網址：