Panasonic上個月先為GD55推出兩隻新顏色，未知係咪反應太好，所以繼續將旗下機種加加減減再出場，今次更一次過兩部一齊出，不論高階定入門機種都齊齊變！
記者、攝影：劉耀祥
作為GD88後繼機種，睇樣就好輕易咁分辨到邊部係GD86A，將GD88的銀色面殼換上藍色，不過內涵兩者就分別不大。因為GD86A功能體積與GD88一模一樣，主打影相及6萬5色彩芒等功能當然唔少得，再加上GPRS、MMS、錄音及16和弦依舊存在。鍾意銀色嘅用家揀番GD88都得。
好耐之前曾經有部鐵面王子手機風靡一時，Panasonic呢部G60就真係如假包換嘅鐵面王子，成個面蓋都以銀色製造，不過就要帶多塊布抹指模。與前作GD68一樣，機背電池蓋照樣可以放入心愛相片。顯示器就由GD68的256色升級至4,096色，玩MMS睇圖都算清楚。機內共有10張Wallpaper、3款ScreenSaver及17首16和弦鈴聲任你揀，想點配搭都得。
信興科技查詢：23130666