唔知大家有無試過上落車時，將門邊腳踏踢咗出嚟呢？其實好多車嘅腳踏膠板，都係以膠碼或者金屬碼作固定，呢啲碼仔其實幾化學，踩得兩三次就會開始變形；或者係之前畀車房修理汽車時拆過，無將膠碼還原就鬆番出嚟等等，久而久之整塊腳踏板就會鬆脫下來。若要防止腳踏板再次鬆脫，先要將腳踏板拆出然後反轉，隨後會見到幾粒鬆開咗嘅膠碼留響車身上（見圖一），用鉗將膠碼拔出，然後再套回腳踏板上，並將之再安裝於車身上便可（見圖二），而使用金屬碼作固定嘅腳踏板，其裝拆過程亦一樣；但安裝時留意膠碼一定要對好車身孔位，如果唔係一拍之下，膠碼就會應聲碎裂㗎喇！
記者、攝影：無限