六屆格林美獎得主、美國著名嘅拉丁歌手JoseFeliciano上星期六重臨香江，喺會議展覽中心獻唱，吸引咗大班達官貴人捧場，八方嗰晚都係座上客。呢位失明歌手喺台上話，佢都知道香港人7.1遊行、五十萬人上街嘅事，重話支持香港人爭取民主，但係就唔好刺激到中國呢個沉睡嘅巨龍咁話。
中聯辦副主任鄒哲開早幾日警告香港要以文革為鑑，唔好成為「動亂之都」，但七十五歲高齡嘅Jose話，香港好安全，佢好開心嚟香港同樂迷見面。
演唱會上，佢以優美蒼涼嘅歌聲，唱出多首名曲，包括佢喺美國九一一事件後，創作嘅反戰歌曲《Killingisnottheanswer》（殺戮不是答案），現場觀眾無不聽出耳油。
席中見到「大少」林建名「安歌」，帶同周五陪佢睇波嘅妙齡靚女出現，問大少連續兩晚約會，呢個梗係新女友啦！阿大少就耍晒手唔認，同個女伴急急脚入場。
當晚嚟捧場嘅重有九鐵主席田北辰、經濟發展及勞工局局長葉澍堃、中央政策組前首席顧問鄭維健同佢女友、剛做問責局長嘅工商及科技局局長曾俊華同鄺其志夫婦等。
傳真︰2623-9278
電郵︰
