謝霆鋒前晚出席新秀歌唱比賽時，上台和眾參賽者鬥升key，他大讚參賽者水準高。問霆鋒為何不往上海和女友王菲慶祝生日？他說：「我呢幾日有嘢做。」
問霆鋒王菲生日當天竟與契姊梅艷芳睇皇馬球賽，可怕王菲不開心？霆鋒說：「咁我又要做漫畫節，又要籌備巡迴演唱會，好忙吖嘛！」
霆鋒稱當晚睇完球賽之後，便與馮德倫慶祝生日，回家後還睇由李連杰主演的《太極張三豐》影碟，霆鋒稱李連杰所耍的武功非常有用，然後即時在記者面前示範耍太極，他說：「你哋有冇留意太極嘅標誌黑白分明，但係又黑中帶白、白中帶黑？」
問霆鋒睇球賽當晚可有見到舊愛張栢芝？霆鋒即時脫下手上的佛珠，並扮作念經，十分鬼馬。