皇馬對港隊一場賽事，至今仍然令香港一眾球迷津津樂道。八方當日有幸入場，喺包廂度撞到公務員事務局局長王永平，嗰陣港隊啱啱入咗波，八方讚港隊好嘢，點不知平叔竟然即刻糾正八方，話「唔係港隊，係中港聯隊」。
啱嘅啱嘅，其實唔止踢波，𠵱家香港嘅經濟都要靠我哋國內嘅同胞啦。
當日中港聯隊入咗波，包廂傳出唔少歡呼聲，重有人開心到嗌話「香港有轉機」！
八方喺大球場又見到民主黨嘅李柱銘、張文光同個女，重有李華明，啲議員早前話費事攞送嘅波飛，但仍有人邀請佢哋幾個入場。
對於賽果，李華明話跌眼鏡，因為佢估五比○。
傳真︰2623-9278
電郵︰