英皇和無綫合辦的新秀歌唱大賽，由陳偉霆得到冠軍，本報收到不少投訴，認為賽果內定，因陳偉霆唱歌走音兼不夾拍子。監製林嘉穎指評分是計整體表現，不單只是計唱歌唱得好。
早前樂壇貪污案，無綫非戲劇分部助理總監何麗全和監製陳家倫被廉政公署拘捕，而英皇娛樂老闆楊受成及多位高層亦被拘捕，不過由英皇主辦、無綫合辦的《2003全球華人新秀歌唱大賽》前晚照舊在將軍澳電視廣播城舉行，結果由十七歲的陳偉霆奪得冠軍。
截至昨日，本報收到多名觀眾電話和傳真投訴，覺得賽果有造馬之嫌，他們認為陳偉霆唱歌走音，而且清唱環節不夾拍子，明顯不及打入最後兩強的另一位參賽者楊俊賢。
監製林嘉穎昨日接受本報電話訪問時說：「今次比賽評分，唔單止計唱歌唱得好，係計整體表現，跳舞同音質都計埋，評判覺得楊俊賢個人風格唔夠強，太似張學友，而跳舞方面亦輸蝕，賽果係評判決定，我哋冇特別偏袒任何一個參賽者。現場有會計師行嘅人監察住啲分，邊個選到對我哋嚟講都一樣，根本冇必要造馬。」
陳偉霆除了得到十萬元現金獎外，亦獲得英皇合約一份。陳偉霆接受訪問時說：「今晚我會同其他參賽者唱K慶祝，就算加入樂壇，我都會繼續讀書。」
另外，Twins、容祖兒、謝霆鋒和葉蒨文前晚都有出席，Twins的蔡卓妍（阿Sa）在台上叫了參賽者梁晴晴做梁晶晶，阿Sa說：「我之前成日叫佢做晶晶，佢都有應我，我成日都蝦碌，可能太緊張啦！」
容祖兒則表示自己的演唱會海報非常性感，她說：「着呢件衫好大犧牲，一郁動就會見到南北半球，所以我影相時黐咗好多膠紙，搞到甩晒皮，𠵱家皺晒皮好似好老咁。」
採訪：卓寶花
攝影：仇志中
