早陣子，亞Mark曾經同大家提過，話越野路華代理將會引入柴油版Defender，及後經過亞Mark查證後，原來新車正名應為Defender110StationWagonTd5型號，以一台2.5公升柴油Turbo偈作骨幹，馬力輸出有126ps/4000rpm，而扭力響1950rpm低轉下，經已產生有30.6kgm高峯值，另配有一套5前速手波，以及兩驅同四驅選擇器，還備有原廠16吋合金胎軨、高級音響同冷氣，重有四輪碟煞跟ABS裝置㖭！定價響39萬，又難怪吸引到唔少鍾情嘅Fans捧場；其次，由於係出商用車牌關係，三排車窗只會封尾窗，並唔係連中排都要封噃！另外，座艙與尾廂之間重會有層板分隔。據聞，首兩批配額幾近售罄，有心買的話就真係早啲決定喇！至於Facelifted新版嘅Freelander，聽聞代理快者都要明年上半年，方有新貨抵港；而近日佢哋嘅揸Fit人SamuelSun，重已經飛咗去馬來西亞傾談有關新車嘅事宜呢！