日本萬事得車廠（Mazda），將會於九月舉行嘅法蘭克福車展上，展出走跑車化路線嘅全新Kusabi概念車，相信勢必惹來車迷注視。將於車展會場內展出嘅全新Kusabi概念車，其實係萬事得車廠日後新款跑車嘅設計概念，車子本身不但造型極其流線型外，從中亦透現出一份跑車個性及一份自家嘅獨特誘人魅力；另一方面，Kusabi嘅車廂空間不但寬敞闊落，就連車廂布局亦貫徹有一份跑車韻味。至於機械方面，廠方則表示會為其裝配一台1.6公升柴油引擎，動力輸出強勁，加上輕量化車身配搭，起跑加速更見輕鬆容易。有興趣嘅車迷，記住留意更多關於此車嘅消息喇！