上海地產大亨周正毅嘅事件仍未有消息，但一單與周正毅有關嘅事件則餘波未了。話說周氏出事前仍積極搞上海靜安區東八塊舊區改造工程，有份被拆遷嘅住戶則一直投訴安排不恰當。
周氏被拘後，呢個項目一直未靜過，本報也報道過其中一個苦主沈小姐嘅投訴，其後雙方好似有溝通，消息也隨之淡下來。
八方噚日收到沈小姐嘅傳真，原來事件至今仍未有令人滿意嘅結果，沈小姐更遭靜安區政府內一些人士視為刁民，又話她聚眾鬧事及涉及案件，可能要拉她，故被迫離開上海避禍，但另外兩個東八塊居民則被警方帶走。
收地事件在上海發生，本來同香港無關，但因為中間涉及周正毅，便成為國外傳媒報道嘅材料，八方相信此事有排搞，難以收科。
傳真︰2623-9278
電郵︰