陳豪被視為女性心目中的「完美情人」，但在他心目中，其「完美情人」究竟是怎樣呢？哪種女性最得他歡心，又有哪些女性最令他討厭？日前陳豪分別向記者披露了十種他最欣賞和最不喜歡的女性，大家不妨藉機自行評分，看看自己究竟是否屬於陳豪喜歡的類型！
最討厭女人......
1.我唔鍾意啲人冇禮貌，人哋幫佢做咗啲嘢，連唔該都冇聲。
2.唔顧人感受，成日以自己為中心，自私自利。
3.太過現實，凡事都要斤斤計較。
4.睇唔起人，自以為是，即係俗語所講「白鴿眼」。
5.太過粗魯，冇啲溫柔。
6.講粗口，以及成日大大聲聲講嘢。
7.我唔鍾意自己女朋友食煙，最怕見到啲女仔食煙食到吸毒咁款。
8.污糟，不修邊幅。
9.冇公德心。
10.心地唔好，憎人富貴厭人窮。
最欣賞女人......
1.有女人味。
2.夠自我，即係有自己立場，有思想嗰種，唔會人云亦云。
3.五官清秀，皮膚好，例如白裏透紅，又或者係充滿陽光氣息。
4.為人隨和，唔會斤斤計較。
5.有愛心，一啲養狗、養貓嘅人就最易睇到佢有冇愛心。
6.大方得體，聰明伶俐，識得睇眉頭眼額。
7.對自己一心一意，對感情夠專一。
8.乾淨整潔。
9.唔會太依賴，自己識得獨立。
10.善解人意，可以做我聆聽者，同我分擔一啲感覺之餘，更可以畀到意見我。
過往不少女藝人跟陳豪傳過緋聞，繼郭羨妮和陳慧珊後，又忽然來個張可頤，但照陳豪「完美情人」的準則，陳慧珊給人感覺獨立、大方，看來她最切合陳豪心目中的「完美情人」。