黃凱芹、黃伊汶、余文樂及陳慧嫻等人，前晚齊到九龍灣展貿中心為商台「雲妮夜總會」節目擔任表演嘉賓。黃凱芹提到日前在公益金慈善晚宴擔任表演嘉賓時，被安排在皇馬球員離席後才演出一事，他說：「個騷遲咗咪當自己唔好彩囉，我壓軸嘛！大會都唔係刻意嘅。」
問黃凱芹可會羨慕葉蒨文有機會與碧咸同台？他說：「佢對住人面對面唱，我就對人背脊唱，至少都有參與過呀。」再問他可感到不獲大會尊重？黃凱芹說：「呢句你講㗎！好可惜，唔知幾時再見班球星，大合照時我想同佢哋握手，但好似唔係幾好，嗰日大家都好熱情，但應該顧返吓香港人嘅形象囉，連鄭裕玲出場前都話，實冇人留意佢講嘢。」
據知黃凱芹被安排於皇馬離場後才演出一事，他所屬的環球唱片及大會早已知曉，但環球為怕黃凱芹辭演，故刻意隱瞞此事，黃凱芹前晚說：「當時係有嬲，但諗住多一事不如少一事就算。」
此外，前晚黃伊汶即場教余文樂跳舞，余文樂甫見黃伊汶塗了指甲油的手即嚇得馬上彈開。事後問余文樂是否小時候被塗甲油的女人欺負過？他說：「我冇俾人搞過，我好健康，我好怕人搽指甲油，阿媽都唔搽得。」
採訪：王崇穎
攝影：陳志嵐