若然你係一位對汽車熱衷程度甚高嘅車迷，咁將於嚟緊九月舉行嘅法蘭克福車展，你一定唔可以錯過喇！事關繼越野路華車廠，會展出旗下Facelifted新版Freelander車系外，來自日本嘅日產汽車亦會展出全新走SUV路線嘅Dunehawk概念車，相信屆時定會惹來一陣哄動呢！
雖然全新日產Dunehawk暫時只係一部概念車，以及廠方只公布其設計圖，但從圖中可留意到新車造型可謂極富肌肉感，完全能顯現出一部SUV應有嘅剛強個性，而且望落重帶有點前衞感，真係好吸引㗎！另外，雖然Dunehawk係走中型SUV路線，但車廂空間卻見寬敞闊落，就算前後三排座椅坐滿七名乘客都仍未覺擠迫，而設備亦見齊全易用。至於機械配搭方面，廠方則暫未有公布有關細節，但可以肯定嘅係，新車將備有一套新款全天候四驅系統，從而讓車子行走任何路面都能應付自如。有興趣嘅車迷，記得屆時留意我哋嘅報道喇！