每年都會去英國小休嘅23條關注組成員吳靄儀，下星期開始放大假，不過23條點都要有人喺香港睇住先得。
好在吳靄儀好開心咁話，另一位先前放大假嘅23條關注組核心成員梁家傑，正好喺呢個時候返到香港接力。有佢頂住，吳靄儀當然好放心，因為其他唔好講，單係梁大狀嘅中文已經殺晒，佢最厲害就係出口成文，不時引用「溫水煮蛙」等四字成語。
講到梁家傑會否參選下屆立法會，吳靄儀話雖然有好多群眾表達咗希望梁家傑參選，但𠵱家仍然係未知之數，因為梁大狀份人好冷靜，唔會咁易畀群眾「煽動」。咁大家下年想見到「梁家傑議員」，就要多兩錢肉緊向梁大狀呼籲吓啦。
傳真︰2623-9278
電郵︰