劉德華前日要到深圳出席廣告記者會，以致趕不及返港入場欣賞皇家馬德里對中港聯賽事，不過在記者會上，竟有人自認是華仔的堂弟，令他嚇了一跳。
身為碧咸球迷的劉德華，早前曾公開透露已買下皇馬對中港聯賽事的門票，可惜前日下午華仔要到深圳出席「杰科DVD廣告」記者會，至球賽開始後才返抵香港，最後只能回家看直播。
華仔及汪明荃（阿姐）昨日到觀塘欣賞一班加際星藝高校的學生表演「當紅新星懷舊Show」，對於未能趕回香港入場欣賞皇馬對中港聯的賽事，華仔說：「因為返到香港已經開咗波，為免惹起混亂，所以我返咗屋企睇電視轉播，雖然唔能夠喺現場睇有啲失望，但我覺得今次港隊表現相當精采，我諗係萬眾一心嘅意念，令到港隊喺下半場都冇再失波。」
華仔在深圳宣傳期間遇上兩件難忘事，當他出席記者會時，竟然有人自認是華仔的堂弟劉德信，他即時嚇了一跳，但最後原來只是開玩笑。而現場亦有一名內地記者感激華仔的名曲《一起走過的日子》令他娶得美人歸。
而華仔與阿姐昨日欣賞一班學生表演時，表現投入，由於現場不乏華仔的歌迷，所以當他的歌曲響起時，全場觀眾就拍掌和唱。阿姐欣賞個別學員的唱功及舞蹈，不過她覺得學員未能完全專注學習，她說：「因為佢哋乜都有學，所以唔夠專業，不過佢哋各人都有自己嘅性格，幾得意。」
採訪、攝影：駱華齡