近排，香港警方打擊非法賽車同超速車輛可謂不遺餘力，繼早前引入多部福士Passat2.8V64MotionVariant五門SportWagon做巡邏車，以及用上同屬福士Passat2.8V64motion四門隱形戰車後，最近警方亦開始測試以寶馬鐵騎R850RT為主力嘅超速剋星。現役一批寶馬R850RT鐵騎，可算係同期一款馬力至大、車速至快嘅車種，經過警方內部長期測試後，其可靠性及安全度更獲得警方高層認同。而新近改裝成超速剋星嘅寶馬R850RT，響車頭風擋下方，左右各置有微形攝錄鏡頭，只要駕車警員發覺儀表板上方嘅車速計，顯示前車超速的話，警員只要按動攝錄掣，前車行車狀況同車速便會即時被拍低㗎！以寶馬R850RT鐵騎嘅靈活性，只要畀佢跟住的話，就真係百詞莫辯；所以各位駕駛人士真係要打醒十二分精神，響公路上唔好胡亂轉線之餘，最緊要重係守法唔好超速呀！