近日有名媛獲無綫邀請拍特輯時，竟開出條件指定要跟陳豪合作，令這位「花旦殺手」頓時升級為「名媛殺手」。另外，曾考慮在樂壇發展的他，被近期年輕歌手輩出而嚇怕，自覺跟他們站在一起時猶如「中坑」般，為免跟一眾年輕人競爭，陳豪決放棄其歌星好夢了。
陳豪近年拍攝電視劇之餘，又跟隨音樂老師學唱歌，在電視螢光幕上更初試啼聲獻唱，不期然令人想到他有意進軍樂壇，事實上，陳豪確曾有此想法，但隨着近年出道歌手愈趨年輕，如Twins、Cookies、Shine和at17等，在陳豪眼中幾乎全是二十以下的年輕人，要現年三十二歲的他跟十來歲的𡃁仔、𡃁妹在樂壇爭一日之長短，實令他難以接受，惟有打消做歌手的念頭。
日前陳豪接受本報專訪時說：「嗰次喺電視節目《紅星會》表演過唱歌之後，就成日有人問我幾時簽唱片公司出唱片，但睇番𠵱家嘅樂壇，根本係後生仔女嘅世界，同佢哋拍埋一齊，我覺得自己好似成個『中坑』咁，𠵱家嘅樂壇根本唔係我哋呢個年紀嘅人去玩，我意思係指𠵱家先至入行唱歌嗰種，所以我都係叠埋心水專心拍戲好過。」
做不成歌手，但陳豪的魅力不僅吸引無綫多位花旦，更獲城中名媛垂青，無綫近日邀請雪肌蘭老闆陳細潔出埠拍攝旅遊特輯時，有傳陳細潔要求無綫安排當家小生陳豪同行，看來陳豪除了被封「師奶殺手」和「花旦殺手」之外，還是「名媛殺手」。
問他獲名媛青睞有何感覺時，他說：「我唔知呢件事，無綫方面冇同我提過，嚟緊我要開拍新劇，相信唔會有時間出埠拍嘢。不過，俾人欣賞，就梗係開心啦。」未知可有名媛、闊太邀他出席飯局，借機親近他？陳豪想了一會兒，說：「我印象中應該未試過，平時都冇乜機會接觸，就算有，都只不過係搵我影相簽名或者傾吓偈，冇其他意思，可能啲人從我平時同人講說話嘅態度，已經知道我係一個唔多鍾意應酬嘅人。」
雖然名媛、闊太飯局陳豪從沒應約，但電影公司老闆和好些幕後人也會約他吃飯見面，陳豪偶爾也會赴約，莫非他想離開現時的經理人許愿，另起爐灶？
陳豪笑說：「的確有好多人約食飯，我亦承認有人搵過我，但我本身係一個幾專一嘅人，直至我同經理人許愿關係完咗，我先至會去考慮其他人。我同人去食飯，無非係交個朋友，我好清楚自己身份，食飯就食飯，唔會同人傾乜嘢條件。」
另外，陳豪有感今日的成功，許愿亦功不可沒，加上近年許愿經濟出現問題，故他因不願離開許愿而拒絕其他公司招手。
採訪：戴彩煥
攝影：林德雄
化妝：JackoLee
髮型：IvanLeebyHeadquarters
場地提供：PoisonIvy
