十二位候選港姐昨日穿着一件頭泳衣，角逐「修身美態獎」，上圍驕人的7號王從希因減肥令上圍縮水，結果評判朱茵和張玉珊揀了前又靚後又靚的17號李嘉怡為大獎得主。
十二位候選港姐昨日往黃金海岸酒店，出席「修身美態獎」選舉暨頒獎儀式，修身堂老闆張玉珊、朱茵和名攝影師張文華擔任評判。
雖然眾佳麗獲張玉珊贊助收身，但昨日所見，除17號李嘉怡外，大部份佳麗大腿位置均滿布脂肪紋，結果大會評判選出李嘉怡勝出，並獲纖體公司一年「保養」身材療程，總值約八萬港元。
李嘉怡獲獎時高興得兩眼通紅，問她撼贏身材驕人的7號王從希有何感覺？李嘉怡說：「根本冇得同佢比，大家身形都唔同，話晒我都高佢啲！」王從希表示已盡力而為，不覺得失望，近日她成功減去五至六磅，雖然上圍有少許縮水，但也不會食豐胸丸補一補。
張玉珊昨日聲稱有佳麗因服食了旗下產品而豐胸半吋，並以代言人合約利誘佳麗，張玉珊說：「我唔講得係邊個，假如有人企出嚟講嘅話，我會考慮搵佢做代言人。」問張玉珊沈殿霞愛女鄭欣宜近日到其纖體公司減肥一事，張玉珊即說：「唔講，佢係細路女，只係為咗健康減肥，大家應該支持佢同鼓勵佢。」
此外，朱茵又大讚17號李嘉怡「前又靚後又靚」，對於其他佳麗臀部鬆弛，朱茵估計這是減肥期間的現象，希望大家不要太過苛刻。
另外，有報道指18號李詩韻父親曾協助廉政公署調查，李詩韻說：「其實係我爸爸同嗰間公司有生意來往，廉署順便搵爸爸了解吓啫，爸爸為呢件事唔開心，但就唔會追究。」
採訪：楊潔雯 攝影：陳偉權
