皇馬熱潮席捲香港，好多fans都上街，希望見偶像一面，都未必見到，但銀行公會主席柯清輝前晚喺公益金晚宴，就可以同成班球員近距離接觸。
噚日柯清輝開完銀行公會會議後同八方等一眾記者見面，佢第一句就問，今晚會唔會去睇皇馬？搞到八方等人乜銀行嘢都唔問住，一嚟就問佢有冇同皇馬球員握手？「握咗好多手呀」柯清輝好開心咁笑住答。
記者又問：「有冇攞簽名呀？」佢就話：「好多人有簽，不過我冇，我都過咗呢個年紀……」至於會唔會去現場睇波，柯大班話：「睇電視幾好吖！」八方重以為大班同我哋一樣，點知八方夜晚喺大球場見到佢同太太去睇波，真係羨慕死人。
傳真︰2623-9278
電郵︰
