陳妙瑛和名模陳嘉容昨日到九龍灣德福廣場出席活動，陳妙瑛透露將推出護膚新產品，正忙於尋找合適的代言人。努力在商場打滾的她展示手上鑽石手鏈，表示是𠱁自己的生日禮物。
陳妙瑛和名模陳嘉容昨日到九龍灣德福廣場，出席「莎莎廿五週年銀禧巡禮」開幕。
減少幕前演出，投身纖體美容事業的陳妙瑛，依然有極高曝光率，她說：「我唔係刻意淡出娛樂圈，因為真係太忙，兩年嚟拍唔到戲，之前十年嘅拍戲經驗都嘥咗。
「其實生意做得好，同拍戲一樣好有滿足感，我經常做宣傳，收視率都高企㗎！」
問陳妙瑛是否已進身千萬富婆之列？她說：「我要再投資同發展，從來冇諗過要分幾多錢，𠵱家重忙緊外地代理權，真係好唔得閒。」陳妙瑛又展示價值六位數字的鑽石手鏈，她表示是買禮物賀弟弟的新生嬰兒時，順道買給自己的生日禮物。
陳妙瑛淡出幕前，享受轉戰商場，另一邊廂由參加模特兒比賽進身樂壇的趙頌茹（阿Yu），昨日獲護膚品Matis垂青，以代言人身份到金鐘太古廣場出席宣傳活動。
阿Yu表示除了有六位數字酬勞外，更可以一世免費獲贊助用該品牌產品，她說：「我屋企人都好貪靚，老竇成日問我點樣去皺紋。今次做咗代言人，可以慳番五位數字嘅護膚品錢。」她又表示最欣賞劉德華的皮膚最好。
採訪、攝影：RitaLeung、FredaLee
