鄭中基（Ronald）昨日到商台接受《男上女下》節目訪問時，表示近日忙於為新片《龍咁威》做後期製作，並謂距離上映日期愈近，壓力便愈大。Ronald說：「希望大家唔好期望套戲好好笑，不過我有朋友睇咗片，都話好搞笑，所以我心情好緊張。」
Ronald慶幸台前幕後相處融洽，他說：「我哋成日互相整蠱，有次李燦森瞓着咗，又擘大口，我同谷德昭搵牛皮膠紙黐住佢個口，後嚟改咗搵廁紙塞入佢把口度放火，咁都唔醒呀，等到茶水阿姐嚟喺佢耳邊講：『你再唔起身我就咀你。』佢就即醒。」
問Ronald壓力大會否找楊千嬅傾訴？他說：「冇，壓力同人分享重衰呀。」
採訪、攝影：蔡如玉