前晚不少城中名媛為一睹球星碧咸的風采，均有出席公益金慈善晚宴，當皇馬球員入席後，鯊魚丸老闆娘陳細潔、其姊陳小寶及尹婉媚不時走近球星席欲拍照，但數度闖關均被保安驅趕。
陳細潔後來只好站在保安圍欄外拍照，將一眾球星當作背景攝入鏡頭中，她離場時說：「我同施丹同Wendy（尹婉媚）一齊影咗張相，我梗係用我嘅美色放電電佢埋嚟影啦，碧咸好nice，不過佢經理人就限制多啲囉，可能怕順得哥情失嫂意啩！」
至於戴上古烈治頭假髮的尹婉媚入場前說：「我諗住咁可以吸引佢哋望我。」問她會否競投球衣？尹婉媚說：「碧咸親手畀我就實投，錫埋就多多都投，不過我鍾意費高多啲，老老哋啱我，施丹唔好，我鍾意男人有頭髮，代表嗰度勁啲！」
此外，前晚擔任表演嘉賓的黃凱芹及葉蒨文的受重視程度，可謂差天共地。葉蒨文主持拍賣時還邀得碧咸一同上台，黃凱芹卻被安排在球員離場後才表演。