四十七歲的阿祥說：「社署六月尾批咗綜援金畀我，不過我希望只係暫時性質，我𠵱家一直都有搵嘢做，不過因為市道同埋年齡關係，重未有消息。」
阿祥昔日自設「一人公司」從事產品包裝設計，後因九七金融風暴，生意一落千丈，最後被迫損手結業。其後阿祥轉行任職保安員，月前卻又遇上另一風暴——非典型肺炎，令剛上班不久的他又被打破飯碗，身無分文的他無處容身，晚間一度要在餐廳「打躉」。
蘋果日報慈善基金早前撥款四千元予阿祥度過難關。「我用咗呢啲錢喺元朗搵咗一個村屋獨立套房住，𠵱家諗番起之前嗰段日子，就連買個菠蘿包都要諗過！」
近日本報將善長捐款二千元交予阿祥簽收，他不禁感觸地說：「有時人生嘅關口就係差嗰一步過唔到，今次我好彩得到你哋蘋果基金同埋讀者幫助。雖然我唔知捐錢畀我嘅係乜人，但我真係非常感激。我會繼續努力去搵工，希望盡量脫離失業網，將來有機會可以幫番其他人。」
捐款編號：C0971
暖流熱線
電話：29908688
傳真：23702192
電郵：
網址：