【本報訊】皇馬球星魅力非凡，一場賽事刺激了本港沙士後的疲弱市道。球迷花八百元買一件「波衫」也絕不手軟，有球衣店一天內便出售過百件「波衫」，生意大增八成，就連麵包店也「賣多幾百個包，生意多咗幾千蚊」，商戶異口同聲要求政府多舉辦同類活動。
銅鑼灣一帶商戶，包括酒吧及食肆生意約升兩、三成；皇馬球衣大為搶手，球衣店負責人沈先生表示，昨日生意大增八成，球衣每件八百元，昨天一天已出售一百件，當中九成都選擇碧咸的二十三號球衣。
銅鑼灣一間麵包店店主吳先生更高興地說：「今日賣多咗幾百個麵包，賺多咗幾千蚊。」他表示，希望政府多舉辦同類活動帶旺香港。
區內酒吧更是人頭湧湧，昨日下午五點許已有人來「霸位」，當中主要是白領，其中一間酒吧主管阿SAM早已多入三成啤酒存貨。而路邊商店也在門外擺放不少汽水及蒸餾水希望進場人士購買；西餐廳也張貼「今晚直播賽事」吸引顧客；不少人更提早數天預訂卡拉OK房間，準備看完賽事後唱歌慶祝。
在通往大球場的加路連山道則有不少人把握搵錢機會，有小販推售國內製造、每件六十元的碧咸二十三號球衣，該陳姓小販埋怨生意不多，只出售了六十多件，因為小販管理隊趕盡殺絕；另外，有四名中七生則合資五千元出售球星海報，但因不時被驅趕而影響生意。
市民及旅客均認為要「睇波」就會消費，任職電腦界的Angie稱：「去酒吧使一、二百，之後食飯夾埋都要幾百蚊，搞親呢啲大型活動，一定會一條龍消費。」五名由東莞來睇波的旅客也表示，留港兩日都在「使錢」。
至於旺角球場方面，雖然沒有大球場那邊般熱鬧，只有約一千五百人入場看直播，但氣氛不錯，尤其是在上半場港隊射入第一球時，全場更是掌聲雷動，球迷齊齊揮動手上的打氣棒。
排首名入場的中一學生孫展遜說：「氣氛好好，好鍾意睇皇馬。」而與父親入場看偶像碧咸的九歲女童Cass，本身也踢女子足球，她說：「碧咸射波又靚、罰球又好、傳球又準。」至於區內酒吧，生意亦滔滔不絕。