早排，亞Mark同大家提過，話寶馬以特惠價推售部730Li接近尾聲，要買趁快嘅消息，你哋咪以為亞Mark幫代理講說話促銷呀！只係亞Mark站響消費者角度去睇，唔使80萬（實價$742,300），就可以擁有一部至豪華又High-tech嘅高級長陣轎車喎！真係點計都抵啦！而剛啱亞Mark就收到風，話由於近期歐元持續高企，寶馬代理賣完餘下730Li約30部配額的話，新車定價會調升番85萬9千多元，兩者差距有成11萬7千元咁多㗎！其次，亞Mark聽聞連帶同系735Li同745Li嘅售價，亦會同時間響8月18日全面調高，前者新價105萬3千幾，後者更升至122萬8千㖭！趁住重有一個星期多啲嘅時間，想以超值價錢買730Li剩餘嘅配額，又或者係更高級嘅735Li（現售$880,000）同745Li（現售$984,000）的話，今勻真係要買趁快喇！