Boy'Z成員張致恆（Steven）與胞姊Janny殺入演藝圈，而當兼職模特兒的胞弟張致良（Ryan）亦希望在娛樂圈佔一席位。不過想不到的是，這三姊弟在家中竟以打交作為互相鼓勵的方法。
隨着Boy'Z入行，成員Steven連帶他當三行工人的父親、荷蘭籍賣雞的媽媽Elly及模特兒胞姊Janny亦頻頻見報。日前除有指Janny有意進軍娛樂圈，簽約麥浚龍胞兄麥俊翹的經理人公司後，現年十七歲的弟弟Ryan亦得到湯臣巨星經理人公司賞識。
Ryan自十五歲成為JamCast旗下模特兒後，一直對娛樂圈充滿憧憬，更自稱樣樣「精」，可謂信心爆棚。問Ryan會否跟哥哥Steven學習，他反說哥哥要跟他學習才對。Ryan日前接受訪問時說：「佢要學吓我咁活躍先得㗎，我最叻就係攀石，我有牌㗎，好多種運動我都識玩，𠵱家就學緊跆拳道。」
Ryan每次見到哥哥返家，便會與他「大打出手」互相鼓勵一番，Ryan說：「我覺得佢好慘㗎！因為佢冇時間瞓覺，返到屋企都好攰。佢每次返嚟我都好開心，不過次次見面都會打交，呢個係我哋溝通嘅方法，就連我家姐都打埋一份，但係多數都係佢（Janny）贏，因為佢係跆拳道黑帶。」
而聲稱以學業為重的Ryan，對娛圈亦另有一番期望，他說：「初初發明星夢，覺得入行可以搵錢快，又新鮮，但係𠵱家覺得原來好辛苦。其實我一直都對呢行好有興趣，我覺得做模特兒方面可以有多啲發展，但係演戲方面就唔係有太大信心。」年紀尚輕的Ryan最後說：「不過𠵱家我會以學業為重，讀完啲書先再算。」
採訪：羅慧敏 攝影：仇志德
