昨日謝霆鋒、陳冠希（Edison）及余文樂等，到灣仔會展出席簽名會。身在上海的王菲今天生日，其男友霆鋒表示自己有工作在身，未能與女友慶祝三十四歲牛一，反而在上海與王菲一起拍戲的黎明表示會送禮物及跟王菲慶祝。
昨日謝霆鋒、陳冠希、余文樂、麥浚龍及Cookies等，到灣仔會展出席簽名會，今日是王菲三十四歲生日，當記者問霆鋒會否與在上海工作的女友慶祝生日時，他笑言：「我喺香港喎。」再追問他會否致電女友、會送甚麼禮物、會否過二人世界等問題時，霆鋒只說：「唔答。」
最後問霆鋒阿菲會否返港與他共度生辰，他笑說：「你問我呀？我唔答，遊花園呀。」
另外，對於有報道指梅艷芳極度渴望一睹球星碧咸的風采，霆鋒則說：「你哋唔應該咁講佢，我做讀者睇完都覺得你哋使唔使咁，梅姐做大事係唔會為小事而唔開心嘅。」
而與王菲一同於上海拍攝電影《大城小事》的黎明，昨日約下午五時與工作人員外出睇景，問他會否與阿菲慶祝生日時，他說：「聽日要開好早呀，所以唔會玩得好夜。」再問他會否送禮物給對方，他續說：「梗係會啦，呢啲係一份心意，做朋友一定會送。」
此外，有報道指余文樂早前與陳曉東等結伴到酒吧作樂，而且被封為「𠝹女三劍俠」，阿樂說：「嗰晚其實係東東細佬生日，我識佢細佬，無論我去邊，嗰本嘢都會話我去蒲㗎啦，寫到我咁花弗我都唔介意，我只會專心工作。」
採訪：王連連、卓美娟（上海）
攝影：甄朝健、黃文偉（上海）