十年前，呂伯喪妻，無兒無女的他，獨自為亡妻的後事奔波；相隔十年，事件再度重演，由於其妻遺骸到期需要「起骨」，呂伯連月來為這事勞心勞力，並且為有關費用耗盡心神，窮途末路的呂伯，日前主動致電蘋果日報慈善基金求助，盼達成他唯一的心願。蘋果基金即時撥款助他圓願。
蘋果基金日前接到呂伯的求助電話，患有心臟病、將於日內動手術的他，在電話向記者再三哀求說：「小姐，我過兩日就要入醫院做手術，今次入去，都唔知有冇命出番嚟，萬一我有乜事，我求吓你哋，可唔可以代我搞掂我老婆起骨嗰件事，等我了咗件心事呀！」
七十五歲的呂伯，和妻子攜手走過近半個世紀，夫妻鶼鰈情深，二人並無所出。「我老婆後生嘅時候身體唔好，重試過有宮外孕，之後一直想生都冇，呢件事對我哋嚟講都係一個遺憾。」
多年來，呂伯和妻子互相照顧，奈何十年前，其妻因肺癌先行一步，遺下他孤苦伶仃。為了完成亡妻臨終時土葬的遺願，呂伯早年不惜耗盡所有積蓄，將她安葬於將軍澳華人永遠墳場，滿以為一切事告一段落，詎料原來還有大筆「手尾」未跟。「最近收到墳場通知，話我老婆到期要『起骨』，計計埋埋條數要成萬幾蚊，為咗呢筆錢，真係搞到我頭都大。」呂伯一臉懊惱地說。
一頭白髮的呂伯，年輕的時候當海員，其後輾轉任職工廠及看更，直至兩年前，他因為身體欠佳而正式退休，晚年靠微薄的綜援金生活。「我咁大年紀，身體又唔好，今年頭先做過一次『通波仔』手術，過幾日又話要再入院，都冇人敢請我做嘢啦！」
由於綜援金金額有限，呂伯平日要克盡節儉才能勉強過日子，更遑論有分毫積蓄。為了應付亡妻的「起骨」及龕位費用，呂伯近日四處奔波，幾經辛苦，他才向友人籌措了六千多元，但仍未足以支付全部款項。「嗰六千幾蚊係我個契女借畀我嘅，老實講，佢算好關照我，不過，佢自己都有一頭家，今次已經係盡晒力㗎啦。」
蘋果日報慈善基金了解呂伯的經濟困境後，即時撥款五千元，資助其辦理亡妻的執骨事宜，了結他的心事。
捐款編號：C1058
暖流熱線
電話：29908688
傳真：23702192
電郵：
網址：