東亞銀行旺角分行喬遷，搬咗去舊渣打銀行舖址，噚日開幕，於事請來老細李國寶親自剪綵。唔知係咪要了解吓周圍環境，睇睇有乜對手爭生意，寶Baby一剪完綵，就出門口左望望、右望望，重停低盯住隔籬再隔籬間幾大間嘅星展銀行。
八方見佢周時手指指，又同其他管理層密密斟，好明顯佢係睇住星展個招牌，可能係話「我哋個招牌夠唔夠佢哋搶眼？我哋兩個招牌會唔會太似……」其實八方一啲都聽唔到，不過肯定嘅係，佢專車就停正喺星展門口，就喺嗰度接咗寶Baby上車走。
（圖）東亞旺角分行開幕，寶Baby剪綵都不忘觀察吓對手環境。
傳真︰2623-9278
電郵︰