日本藝能界每年會爆出一兩個平平無奇，唔明點解會紅嘅新星，好似小野真弓咁，fans就係鍾意佢夠晒鄰家女孩喎。上年夏天佢只係憑一個廣告就紅咗。個勢本來好勁嘅小野，最近有幾間電視台搵佢拍劇做主要角色，不過因為有廣告商認為佢嘅水着女星形象太強而唔同意，再加上近排網上離奇地有大量佢嘅合成裸照出現，電視台認為唔值得為呢啲小星付出太多，所以就即刻飛咗佢出局。