八方噚晚去君悅酒店，但唔係想見碧咸，而係去捧恒基地產主席四叔李兆基場，四叔出錢出力支持嘅牛津華頓李兆基獎學金，噚晚舉行周年晚宴。今年基金將會保送三位學生赴英就讀，佢哋分別係（後排左起）聖保羅男女嘅吳宇欣、聖馬可中學黃家裕同埋拔萃女書院莫依鈴。四叔同八方講，希望佢哋日後能夠做到「度己度人、為己為人」、以「犧牲小我成全大我」精神回饋社會。
咁對今日皇馬嘅賽事又點睇？四叔扁扁嘴話：「冇人送飛，所以唔睇」，八方問喺佢身邊、負責恒基公關工作嘅係球壇前輩韋基舜，佢話自己都俾人炒咗，所以冇計。八方覺得冇「飛」事小，冇「飛士」先係問題；霍公子乜咁唔識做。
（圖前排左起）羅德丞、李兆基、楊鐵樑同三位將赴英升學嘅學生影番張靚相。
李潤芳攝
傳真︰2623-9278
電郵︰