余文樂及關心妍昨日往九龍塘一間婚紗店，出席該店的記者會。穿上蘇格蘭裙上陣的余文樂表示，沒有穿短褲打底，所以覺得涼浸浸，更因怕走光不敢坐低。
關心妍及余文樂早前為新天地婚紗店拍攝宣傳照，昨日兩人出席記者會，更以蘇格蘭禮服示人。
余文樂表示穿上蘇格蘭裙很不自然，又沒有穿上短褲打底，所以不敢坐低怕走光。他說：「真係好唔慣，對腳涼浸浸咁。」
提起早前合作的趣事，關心妍說：「因為我同阿樂之前未合作過，攝影師叫我哋擺啲親密甫士，我哋都幾尷尬，要影到第五個造型，先至放啲。重有，攝影師當日猛叫我哋坐埋啲，但係我哋埋極都係個膊頭埋，個頭依然有一段距離。」昨日記者起哄叫兩人親密點，但兩人的極限亦只是鼻尖對鼻尖。
當天拍照時其中一個甫士要余文樂抱起關心妍，問余文樂到底關心妍與阿嬌（緋聞女友鍾欣桐）誰較重？余文樂即說：「唔知呀，唔好問呢啲嘢啦。」
問余文樂有否結婚衝動？他說：「入行前有諗過㗎，但係入咗行諗法就變咗，因為工作咁忙，冇時間陪另一半，結咗婚對佢唔公平，而且結婚係一生一世嘅承諾，要真係做得出先好講。」
余文樂又表示因父母的婚姻生活美滿，所以他對結婚有憧憬，他說：「如果三十至四十歲可以結婚就好。」
採訪：MaggieFung
攝影：EdwardChou
