我羅拉以為今時今日嘅fans唔會再因為偶像拍拖而變心，但事實話畀我聽，重有好多人會呷大醋㗎！好似宋慧喬嘅fans，見佢同李秉憲日日糖黐豆，於是佢哋不斷喺喬妹網頁上力諫，話偶像唔應該只顧住拍拖唔拍劇。之後佢哋見到喬妹拍內衣廣告，又話佢唔知係咪受男友影響，拍啲咁性感嘅相，冇晒《藍色生死戀》嘅清純感覺，令佢哋好失望。不過我羅拉就覺得啲fans好難服侍啫！