組合at17成員林二汶，入行前體重達一百七十磅，兩年來她節食及積極跳hiphop，現已成功減掉三十磅，但二汶表示不介意做肥妹，更表示多多錢也不會做瘦身代言人。
二人女子組合at17成員林二汶現年二十歲，身高近五呎三吋，她入行前的體重竟然重達一百七十磅，不過在這兩年多以來，二汶減少食量，努力做運動，結果成功減去三十磅。
at17日前在又一城接受訪問，二汶強調自己多多錢也不會拍纖體廣告，她說：「呢樣唔係我嗰皮，我唔會評價人哋，但我嘅事業唔係減肥，係唱好啲歌，瘦咗只係bonus。」
二汶又大談其減肥經過，她說：「嗰時我點解會咁肥？因為每日都等食，我好鍾意食嘢，有段時間媽咪用全脂奶整天山雪蓮畀我食，我一個月就肥咗十磅，之後重一發不可收拾，但我減肥唔係為咗靚，係想健康啲，因為嗰時我覺得自己除咗食之外，生活好空洞，就跟阿妹（另一成員盧凱彤）學跳hiphop，又跑吓步，將食量減少，慢慢就開始瘦番啲囉！」
二汶最肥的時候也沒有自卑，她說：「肥有乜嘢問題呢？以為瘦咗會變張曼玉咩？咁我勸你唔使減啦，只要個人有自信，你就係最靚㗎啦！」
而盧凱彤與二汶相識三年來，從未勸過對方減肥，她說：「我又唔會因為佢肥而唔同佢做朋友，我唔覺得瘦就一定會好睇啲，二汶以前肥得好得意，戴副大眼鏡，好可愛㗎！」
採訪：朱芷瑩 攝影：何國豪
