【本報訊】皇家馬德里今晚獻技，有網上黃牛黨最後衝刺，五百元門票叫價至一千二百元；而一些安裝了電視的酒吧及茶餐廳，預料可透過球賽直播，額外帶來兩至五成生意。
曾在網上兜售門票的阿Nick昨表示：「重有三張五百蚊嘅飛，可以賣，可以唔賣。有人出價每張一千一百蚊，加一、二十蚊無意思，最少都要一千二百蚊，如果唔係對出價一千一百蚊嘅朋友唔係咁公平。」
在足總開售皇馬門票期間，做了不少輪候球迷生意的銅鑼灣快餐店，有店主預料今晚皇馬表演賽，會帶來最少二至五成生意。
至於球迷愛感受氣氛的酒吧，香港酒吧協會主席陳志傑說：「通常星期五晚愈夜客人愈多。但相信有唔少買唔到飛入場嘅球迷，會提早到酒吧。令酒吧可做多輪生意。」專程來港觀賞皇馬球賽的內地睇波團，昨日陸續抵港。當中有一天睇波團，也有睇波之餘，坐直升機及吃海鮮的四天豪華團。